QMDB ǵımaratynda ashana ashyldy (FOTO+VIDEO)

Búgin Qazaqstan musylmandary dinı basqarmasy ǵımaratynda múftııattyń ashanasy ashylyp, paıdalanýǵa berildi. Sharaǵa QMDB Tóraǵasy Naýryzbaı qajy Taǵanuly, Birikken Arab Ámirlikteriniń Qazaqstandaǵy Elshisi Muhammed Ahmed ál-Jaber myrza jáne Dinı basqarmanyń bólim basshylary men mamandary qatysty.

Ashana jumysyna qajetti qural-jabdyqtar men jıhazdar shyǵynyna, árleý jáne jóndeý jumystaryna Birikken Arab ámirliginiń Qazaqstandaǵy elshiligi qoldaý kórsetip, demeýshilik jasaǵan bolatyn. Qos mekeme arasyndaǵy qanshama jyldar boıy qalyptasqan yntymaqtastyq negizinde kórsetilgen kómekti joǵary baǵalap, Bas múftı qurmetti qonaqtarǵa iltıpat kórsetti.

Elshiliktiń qoldaýyn aıryqsha atap ótken Bas múftı Naýryzbaı qajy Taǵanuly: «Qazaq halqynda «Eldestirmek elshiden» degen naqyl sóz bar. Eki eldiń baılanysyn arttyratyn tulǵa qashan da elshi bolǵan. Siz óz tarapyńyzdan bizdiń bastamalarymyzǵa qoldaý kórsetip kelesiz. Osy rette Sizge jáne elshilik qyzmetkerlerine ózimniń jáne Qazaqstan musylmandary atynan alǵys bildiremin», – deı kele Muhammed Ahmed ál-Jaber myrzanyń ıyǵyna shapan japty.

Óz kezeginde elshi Qazaqstan men Birikken Arab Ámirlikteri arasyndaǵy baýyrlastyq baılanystyń qarqyndy damyp kele jatqanyn atap, rızashylyǵyn bildirdi.

Sýretterdi «FOTOGALEREIa» aıdarynan kóre alasyzdar!