QMDB: Ershat Ońǵarov – naıb múftı (FOTO)
Bas múftı Serikbaı qajy Orazdyń buıryǵymen Ershat Ońǵarov naıb múftı qyzmetine taǵaıyndaldy.
«Ońǵarov Ershat Aǵybaıuly «Halyqaralyq qatynas jáne hattama» bóliminiń meńgerýshisi qyzmetinen bosatylyp, «Qazaqstan musylmandary dinı basqarmasy» Respýblıkalyq ıslamı dinı birlestigi tóraǵasynyń orynbasary, naıb múftı bolyp taǵaıyndalsyn», – delingen buıryq mátininde.
Búgin QMDB Ortalyq apparatynyń kezekti májilisinde Serikbaı qajy Satybaldyuly múftııat ujymyna bul taǵaıyndaýǵa qatysty sheshimin habarlap, Ershat Aǵybaıulynyń dinı saladaǵy eńbekteri jaıly atap ótti. Óz kezeginde E.Ońǵarov ujym aldynda ózine tapsyrylǵan mindetterdi oryndaýǵa bar kúsh-qaıratyn jumsaıtynyn jetkizdi.
Májiliste sóz alǵan Birinshi naıb múftı Naýryzbaı qajy Taǵanuly Bas múftıdiń bul sheshimi QMDB qyzmetine serpin beretinin aıryqsha atap ótti.
Ońǵarov Ershat Aǵybaıuly
1975 jyly 22 naýryzda Qaraǵandy oblysy, Jańarqa aýdany, Eralıev aýylynda dúnıege kelgen.
Bilimi men biliktiligi:
1992 jyly Jaırem kentindegi №10 orta mektepti bitirgen.
1994 jyly 13 jeltoqsanda QR Bilim jáne ǵylym mınıstrliginiń joldamasymen Qazaqstan musylmandary dinı basqarmasynda (QMDB) ótken baıqaý arqyly Egıpet Arab Respýblıkasy (EAR), Kaır qalasyndaǵy ál-Azhar ýnıversıtetine oqýǵa túsip, 2000 jyly atalmysh ýnıversıtet janyndaǵy Islam ǵylymı zertteýler ınstıtýtyn támámdap, 2004 jyly ál-Ázhar ýnıversıtetiniń «ýaǵyz-nasıhat» mamandyǵy boıynsha bakalavr akademııalyq dárejesine qol jetkizgen.
2006 jyly EAR Joǵarǵy bilim mınıstrligi Islam ǵylymı zertteýler joǵarǵy ınstıtýtynda ıslamtaný mamandyǵy boıynsha magıstr dárejesine ıe bolǵan.
2010 jyly ál-Farabı atyndaǵy Qazaq ulttyq ýnıversıteti tarıhynda birinshi bolyp fılosofııa, mádenı antropologııa mamandyqtary boıynsha PhD doktor dárejesin qorǵady.
Eńbek joly:
2007-2009 jyldary Qazaqstan musylmandary dinı basqarmasynda maman, bólim bastyǵy, 2009-2011 ál-Farabı atyndaǵy QazUÝ-de aǵa oqytýshy bolyp jumys istedi.
2011-2013 jyldar aralyǵynda Qazaqstan Respýblıkasy Din isteri agenttigi, Almaty qalasy Din isteri departamentiniń dırektory, Din isteri agenttigi Dinı oqý oryndarmen baılanystar jáne dintaný saraptamasy basqarmasynyń Bas sarapshysy bolyp qyzmet atqarǵan.
2013 jyldyń 27 aqpanynan bastap QMDB «Ýaǵyz-nasıhat jáne ınternetpen jumys» bóliminiń meńgerýshisi;
2014 jyldyń qyrkúıek aıynan bastap QMDB «Ýaǵyz-nasıhat» bóliminiń meńgerýshisi bolyp istedi.
2017 jyldyń qazan aıynan bastap búginge deıin QMDB «Halyqaralyq qatynastar jáne hattama» bóliminiń meńgerýshisi bolyp qyzmet atqaryp keldi.
Úılengen, eki balasy bar.
Shyǵarmalary:
«Muhtasar tájýıd» qazaq jáne orys tilinde (Quran oqý erejeleri), Almaty – 2006
«Mýhtasar tajýıd» (Quran oqý erejeleri, orys tilinde), Almaty – 2008
«Qazaq mádenıeti jáne ıslam qundylyqtary» (monografııa). QR BǴM, Almaty baspa úıleri, 2014
Quran – maǵynasy men túsiniktemeleri. «Alash» tarıhı-zertteýler ortalyǵy, Almaty – 2015 (aýdarmashylardyń biri)
«Din – nasıhat» Aqparattyq-nasıhat tobyna arnalǵan ádistemelik quraly. QMDB, Astana – 2015 (qurast. biri)
Juma ýaǵyzy-II, QMDB, Astana – 2015 (qurast. biri)
Pátýalar jınaǵy. QMDB, Astana – 2016 (redaktor)
Sbornık fetv. QMDB, Astana – 2015 (redaktor)
Juma ýaǵyzy-III, QMDB, Astana – 2017 (qurastyrýshy)
Janaza jáne jerleý rásimderi. QMDB, Astana – 2017 (baspaǵa daıyndaýshy)
Din men dástúr-II (Tal besikten jer besikke deıin). QMDB, Astana – 2017 (baspaǵa daıyndaýshy)
Din, mádenıet, rýhanıat salalaryna arnalǵan 60 ǵylymı-tanymdyq maqalalardyń avtory.
