QMDB Dinı saraptama bólimi dinı dúken ıelerimen onlaın jınalys ótkizdi

Qazaqstan musylmandary dinı basqarmasynyń tóraǵasy, Bas Múftı Naýryzbaı qajy Taǵanulynyń tapsyrmasy aıasynda mýftııat ǵımaratynda kitap taqyrybyna arnalǵan keleli jıyn ótti. Is-sharany QMDB-ǵa qarasty dinı saraptama bólimi uıymdastyryp, oǵan dinı ádebıetter satatyn dúken ıeleri men óńirlerdegi jaýapty mamandar Zoom platformasy arqyly onlaın qatysty. 

Basqosýdyń negizgi maqsaty – dinı ádebıetterdi satý tártibin jetildirý, meshit janyndaǵy dinı dúkenderdiń jumysyn júıeleý jáne dinı saraptama talaptarynyń saqtalýyn qamtamasyz etý.

Jıynǵa naıb múftı Sansyzbaı Qurbanuly jáne Dinı saraptama bóliminiń meńgerýshisi Nurlan Evfratuly, Dinı ońaltý bóliminiń meńgerýshisi Danııar Kenjalın qatysty. Kezdesý barysynda dinı ádebıetterdi saraptaýdan ótkizý tártibi, Qazaqstan musylmandary dinı basqarmasynyń oń qorytyndysyn alǵan kitaptardy satý, sondaı-aq dinı dúkenderdegi ádebıetterdiń mazmuny men sapasyna turaqty baqylaý júrgizý máseleleri talqylandy.






​