QMDB DELEGATsIIaSY SAN-FRANTsISKODAǴY QAZAQ DIASPORASYMEN KEZDESTI

AQSh-qa jasalǵan jumys sapary aıasynda Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly bastaǵan QMDB delegatsııasynyń kezekti rýhanı kezdesýi álemdegi eń bedeldi joǵary oqý oryndarynyń biri, halyqaralyq reıtıngterde turaqty túrde úzdik ondyqqa kiretin Stanford University qabyrǵasynda ótti. Kezdesýge Qazaqstan Respýblıkasynyń San-Frantsısko qalasyndaǵy Bas konsýly Nazıra Nurtóleýqyzy jáne osy óńirde qyzmet atqaryp júrgen otandastar, sondaı-aq Google, Meta, Amazon kompanııalarynda eńbek etetin qazaqstandyq mamandar, StEnford ýnıversıtetiniń doktoranttary men stýdentteri qatysty.

Bas múftı óz sózinde bilim izdenýdiń dinimizdegi ornyna erekshe toqtalyp:
«Bilim izdený – qulshylyq. Qasıetti Qurannyń alǵashqy aıaty “Oqy!” dep bastalýy ıslam dininde bilimniń qanshalyqty joǵary baǵalanatynyn kórsetedi. Adam balasy ómir boıy izdenip, bilimin arttyryp, ony ıgilikke jumsaýy qajet. Bilim adamdy da, qoǵamdy da bıiktetedi», – dep nasıhat aıtty.

Nasıhat barysynda úzdiksiz izdenis, kitap oqý, bilim ıelerinen úırený jáne alǵan bilimdi ózgelermen bólisý – kemel tulǵanyń sıpaty ekeni baıandaldy. Bilimniń dúnıelik jetistikke ǵana emes, rýhanı kemeldikke de bastaıtyny aıtyldy.

Kezdesý suraq-jaýap formatynda jalǵasyp, qatysýshylar túrli taqyryptar boıynsha saýaldar qoıdy.

Kezdesý sońynda otandastarǵa elden arnaıy aparylǵan ulttyq jáne rýhanı mazmundaǵy syılyqtar tabystaldy.





































​