QMDB basshylyǵy Ulttyq akkredıtteý ortalyǵy mamandarymen kezdesti (FOTO)
Qazaqstan musylmandary dinı basqarmasy ǵımaratynda QMDB tóraǵa orynbasary, naıb múftı B.Esmahan men A.Ádilbaev, QMDB apparat jetekshisi Ǵ.Májıev, QMDB halal standarttaý bóliminiń meńgerýshisi B.Myrzageldıev jáne «Ulttyq akkredıtteý ortalyǵy» JShS bas dırektordyń orynbasary A.Mýsın, UAO halyqaralyq yntymaqtastyq jáne quqyqtyq qamtamasyz etý sektorynyń bastyǵy A.Tleýova, sertıfıkattaý boıynsha organdardy akkredıtteý bóliminiń jetekshi sarapshysy B.Quttybaevtyń qatysýymen «Halal ónimderin sertıfıkattaý» taqyrybynda májilis boldy.
Májilisti bastaǵan B.Esmahan elimizde halal ındýstrııasyn damytý, halal standarttaý jáne sertıfıkattaýdy júıelendirý Bas múftı Serikbaı qajy Orazdyń negizgi tapsyrmalarynyń biri ekendigin jáne osy baǵytta biraz nátejıeli jumystardyń atqarylyp jatqandyǵyn jetkizdi.
Óz kezeginde sóz alǵan A.Mýsın QMDB basshylyǵynyń májiliske qatysqandyǵyna rızashylyǵyn bildire otyryp, kún tártibinde mynadaı máselelerdi qarastyrýdy usyndy:
1.Halal jónindegi (et ónimderi boıynsha) sertıfıkattaý organdardy akkredıtteý múmkindigin qarastyrý;
2.Halal sertıfıkattaý tártibin daıyndaý;
3.Memlekettik standarttaý josparyna Halal boıynsha standarttardy daıyndaýǵa járdem berý;
4.QMDB atynan tyıym salynǵan jáne ruqsat etilgen Halal tizbesin (tizimin) qalyptastyrý jáne bekitý;
5.Halal sertıfıkattaý boıynsha sheteldik organdardy akkredıtteý;
6.Halal boıynsha sertıfıkattaý organdaryn akkredıtteý Komıssııasyna QMDB ókilderin engizý.
Usynylǵan máseleler boıynsha akkredıtteý jáne halal standarttaý jáne sertıfıkattaý salasynyń mamandary pikir almasyp, eki jaq óz usynystaryn usynyp, kún tártibine qoıylǵan máseleler qyzý talqylandy.
Májilisti qorytyndylaǵan A.Ádilbaev UAO qyzmetkerleri men QMDB halal standarttaý bólimi mamandarynyń birlese jumys atqarýy - elimizde ulttyq standartty qalyptastyrýda, halyq tutynýyna halal ónimdi usynýda nátejıeli jemisin beretindigin sóz etti.
Májiliste kóterilgen máseleler boıynsha QMDB basshylyǵy arnaıy sheshim shyǵaratynyn, aldaǵy ýaqytta tyǵyz baılanysta jumys atqaratynyn jetkizip, UAO jumysyna sáttilik tiledi.
