QMDB: 6-mamyr – Ramazan aıynyń birinshi kúni

Ramazan aıynyń bastalýyn naqty anyqtaý sharıǵı úkimder men  astronomııalyq esepter negizinde júzege asady. Alǵashqy kezeńde musylmandar jańa týǵan aıdy kózben kóretin. 

Paıǵambarymyz Muhammed (oǵan Allanyń salaýaty men sálemi bolsyn): «Orazany aıdyń týýyna qarap bastap, aıdyń týýyna qarap aıaqtańdar. Eger aı kórinbese, shaǵban aıyn otyz kúnge toltyryp, bastaı berińder», – degen.

Qazaqstan musylmandary dinı basqarmasy elimizdegi irgeli zertteý ortalyqtarynyń biri bolyp tabylatyn V.G.Fesenkov atyndaǵy «Ulttyq ǵaryshtyq zertteýler men tehnologııalar ortalyǵy» mekemesinen jańa aıdyń kórinýine qatysty resmı málimet suratty.

QMDB sharıǵı úkimdi negizge alyp, ǵylymı zertteý jumysynyń nətıjesin eskerip, sonymen qatar, Ortalyq Azııa elderi múftııatynyń Sharıǵat jəne pətýa bóliminiń ǵalymdarymen ortaq pətýa qabyldaı otyryp, 6 mamyr – Ramazan aıynyń birinshi kúni degen sheshim shyǵardy.
Bıyl 30 kún aýyz bekitemiz. Qasıetti Qadir túni – 31-mamyrdan 1-maýsymǵa qaraǵan tún. Al, 5-maýsym – Oraza aıttyń birinshi kúni.

Orazaǵa qatysty úkimder

Sharıǵat boıynsha balıǵatqa tolǵan, aqyl-esi durys árbir musylmanǵa ramazan aıynda kúnde tań atqannan kún batqanǵa deıin orazany nıet etip, iship-jeýden, tósek qatynasynan tyıylý paryz. 

Haıyz jáne nıfas kezinde áıelder oraza ustamaıdy. Júkti nemese bala emizetin áıelder oraza tutqan kezde ózine nemese balasyna zııan kelýden qoryqsa, syrqat kisi aýrýynyń asqynýynan qaýiptense, olardyń oraza ustamaýlaryna bolady. Bular orazanyń qazasyn Ramazan aıynan keıin ótep beredi. 

Ramazan aıynda jolaýshyǵa da oraza ustaý mindet emes. Sapardan qaıta oralǵanda, qazasyn óteıdi.

Kárilik nemese jazylmaıtyn aýrý sebebinen oraza ustaýǵa shamasy kelmeıtin adamdar orazanyń ár kúni úshin pidııa beredi. 

Pitir sadaqanyń mólsheri – 300 teńge. Bul – pitir sadaqanyń eń tómengi mólsheri. Bul mólsherden artyq berýge de bolady.