QMDB: 30 jyldyq mereıtoıǵa – 30 ıgi shara (FOTO)

Almatyda ótken Qazaqstan musylmandary dinı basqarmasynyń keńeıtilgen Tóralqa májilisinde 2020 jyldyń jumys jospary bekitildi.

Aıta ketsek, 2020 jyly Qazaqstan musylmandary dinı basqarmasynyń qurylǵanyna 30 jyl tolady. Osyǵan oraı, QMDB Ortalyq apparaty qyzmetkerleriniń usynysymen, Bas múftı Serikbaı qajy Orazdyń bekitýimen 30 jyldyq mereıtoı aıasynda júzege asatyn 30 ıgi is-sharanyń jospary bekitildi.

Atap aıtqanda, ǵylymı-tanymdyq kitap shyǵaryp, ál-Farabıdiń 1150, Abaıdyń 175, Altyn Ordanyń 750 jyldyǵy qarsańynda halyqaralyq konferentsııalar ótkizý, 30 jyldyq mereıtoı kezinde 30 jetim balaǵa, 30 otbasyna qaıyrymdylyq kómek kórsetý, 30 eldimekenniń aýyz sý, jol-kópir máselesin sheshýge yqpal etý, tarıhı kórmeler uıymdastyrý, QMDB týraly derekti fılm túsirý, ál-Farabı, Abaı syndy tulǵalardyń, el ishinde esimi elenbeı júrgen din qaıratkerleriniń esimin meshitke berý, aýyldaǵy 30 meshitti kúrdeli jóndeýden ótkizý, t.b. saýapty da salaýatty sharalar kún tártibine engizildi.