QMDB-30: Mınıstr 30 jyldyq mereıtoımen quttyqtady (FOTO)

Aqparat jáne qoǵamdyq damý mınıstri Dáýren Abaev Bas múftı Serikbaı qajy Orazǵa quttyqtaý hat joldady. QMDB qyzmetkerlerin 30 jyldyq mereıtoıymen quttyqtaǵan Dáýren Áskerbekuly óziniń ıgi tilegi men nıetin jetkizgen.

«Sizdi ózińiz basqaryp otyrǵan Qazaqstan musylmandary dinı basqarmasynyń qurylǵanyna 30 jyl tolýymen quttyqtaımyn!

Búginde Dinı basqarma jurtshylyqty jaqsylyqqa úndep, ımandy isterge uıytqy bolyp, elimizdiń musylman jamaǵatynyń yntymaq-birligin saqtaýǵa orasan qyzmet atqarýda. Aldaǵy ýaqytta da el erteńi úshin ortaq múdde jolynda tabandylyqpen jumys jasaı beretinderińizge senemin.

Qazaqstan musylmandary dinı basqarmasynyń halyq arasynda jaýapkershiligi men saýaby mol rýhanı qyzmetine zor jetistikter men tolaǵaı tabystar tileımin!» delingen mınıstrdiń quttyqtaý hatynda.