«QAJYNYŃ RÝHANI KELBETI» TUǴYRNAMASYN NASIHATTAÝ SEMINARY ÓTTI

03 jeltoqsan 2023 1748 0 Оqý rejımi

Almaty Ortalyq meshitinde qala ımamdaryna «Qajynyń rýhanı kelbeti» tuǵyrnamalyq qujatyn nasıhattaý maqsatyndaǵy aımaqtyq tanymdyq semınar ótti.

Jyl basynda Bas múftı Naýryzbaı qajy Taǵanulynyń baǵdarlyq baıandamasy negizinde «Imam – izgi qoǵam jarshysy» V Respýblıkalyq ımamdar forýmynda qabyldanǵan qujattar tiziminde «Qajynyń rýhanı kelbeti» tuǵyrnamalyq qujaty bolǵan edi.

Almaty Ortalyq meshitinde ótken semınarǵa QMDB naıb múftıi Ershat Aǵybaıuly, Bas múftı keńesshisi Bıjigit Nurjigituly jáne Qajylyq bóliminiń meńgerýshisi Jándillá Bekjigitov Astanadan arnaıy kelip qatysty.

«Qajynyń rýhanı kelbeti» tuǵyrnamalyq qujatyn yjdahattylyqpen el arasynda, jamaǵat ishinde nasıhattaý asa mańyzdy is. Sonymen qatar qajylyq paryzyn óteýge nıettilerdiń konkýrstyq negizde ótken 17 týr fırmalarynyń birimen barýǵa keńes berip, nasıhat jumystaryn júrgizý uly saparǵa attanýshylar úshin tıimdi bolmaq», - dep atap ótti naıb múftı Ershat Ońǵar.

Bas múftıdiń keńesshisi Bıjigit Nurjigituly 17 týrıstik fırmaǵa bólinip beriletin QMDB ımamdarynyń ýaǵyz-nasıhat jumystaryn jetildirip, qajylyq saparynda jat aǵymdy nasıhattaýǵa jol bermeý kerektigin atap ótti.

Qajylyq bóliminiń meńgerýshisi Jándillá Bekjigitov bes paryzdyń biri qajylyq qulshylyǵyn ótep kelgen otandastarymyzdy qoǵamda kórkem minezimen, ónegeli isterimen úlgi kórsetýge jáne qajy degen qurmetke laıyqty bolýǵa shaqyrý kerektigin atap ótti.

«Qajynyń rýhanı kelbeti» tuǵyrnamalyq qujatyn nasıhattaý maqsatyndaǵy aımaqtyq tanymdyq semınaryna Almaty ókildiginiń 100-ge jýyq ımamdary qatysty.