Qajylyq maýsymy ashyldy

Alǵashqy qajylar legi Saýd Arabııasy koroldigine ele bastady. Bul qatarda Úndistan, Pákistan men Bangladesh elderiniń azamattary bar, dep habarlaıdy Islam.ru.

Jıdda qalasyndaǵy Abdýlazız korol atyndaǵy halyqaralyq áýejaıǵa Bangladesh azamattaryn Biman Airlines áýe kompanııasy ushaqtary alyp kelse, Nıý-Delı (Úndistan) men Karachı (Pákistan) musylmandary Mádına qalasyndaǵy Muhammed hanzada áýejaıyna kelip tústi. Saýdııanyń bas azamattyq avıatsııa basqarmasy qajylarǵa qyzmet kórsetýdiń barlyq daıyndyqtaryn jasady.

«Biz qasıetti qos meshittiń saqshysy korol Salmannyń dırektıvin júzege asyrý baǵytynda jumys júrgizip, qajylarǵa jaqsy qyzmetter usynýdy josparlaımyz. Ásirese, ushyp kelý-ketý barysyndaǵy protsedýralar uzaqtyǵyn qysqartyp otyrmyz» deıdi basqarma ókilderi.

Aıta ketsek, qajylyqqa álem elderinen barlyǵy 6 072 reıs josparlansa, onyń 3 383-i Jıdda áýejaıy arqyly, 2 689-i Mádına áýejaıy arqyly ushady.