«QAJYLYQ-2026»: SAÝD ARABIIaSY TARAPY RUQSATSYZ QAJYLYQ JASAÝShYLARǴA QATAŃ ShARALAR QOLDANYLATYNYN ESKERTTI
Saýd Arabııa Koroldiginiń Ishki ister mınıstrligi 1447 hıjrı jylyndaǵy (2026 jyl) qajylyq maýsymyna daıyndyq aıasynda jańa talaptardy jáne zańbuzýshylarǵa qoldanylatyn sanktsııalardy jarııalady. Bul sharalar qajylardyń qaýipsizdigin qamtamasyz etý jáne ǵıbadat rásimderiniń tártipti jaǵdaıda ótkizý maqsatynda qabyldanǵan.
Saýd Arabııa Koroldigi IIM málimetinshe, qajylyq vızasynan bólek kez kelgen túrdegi vızamen (týrıstik, ýmra, t.b.) kelgen sheteldik azamattardyń 2026 jylǵy 18 sáýir men 31 mamyr aralyǵynda Mekke qalasy men qasıetti oryndarǵa (Mına, Arafat jáne Mekke aýmaǵy) kirýine nemese sol jerde bolýyna qatań tyıym salynady.
Sonymen qatar, qajylyqty arnaıy ruqsatsyz oryndaýǵa áreket jasaǵan nemese oryndaǵandarǵa 20 000 saýd rıalyna deıin (shamamen 5 330 AQSh dollary) aıyppul salynady.
Budan da qatań sanktsııalar zańbuzýshylyqqa janama túrde qatysy barlarǵa qarastyrylǵan. Atap aıtqanda, qajylyqqa ruqsatsyz barýǵa jaǵdaı jasaǵandar, qonaq vızasyn rásimdegender, tasymaldaýdy uıymdastyrǵandar nemese zańsyz kelgen adamdardy ornalastyrǵandar úshin aıyppul kólemi 100 000 saýd rıalyna deıin (shamamen 26 655 AQSh dollary) jetýi múmkin. Aıyppul mólsheri quqyqbuzýshylyqqa qatysqan adamdar sanyna qaraı eselenedi.
Saýd Arabııasy IIM talaptaryn buzǵandar óz elderine deportatsııalanyp, olardyń Koroldik aýmaǵyna 10 jyl merzimge kirýine tyıym salynady.
Saýd Arabııasy tarapy barlyq elderdiń azamattaryn belgilengen talaptardy qatań saqtaýǵa shaqyryp, qajylyqqa tek resmı ruqsat (ár elge tıesili qajylyq vızasy) arqyly ǵana barý qajettigin eskertti.
