Qazaqstanda otbasylyq sot qurylady

Qazaqstanda otbasylyq sot qurylýy múmkin. Bul týraly Joǵarǵy sotynyń tóraǵasy Jaqyp Asanov habarlady. 

Joǵarǵy sottyń keńeıtilgen otyrysynda Jaqyp Asanov  elimizdiń 51 sotyndaǵy «Otbasylyq sot» jobasyna 107 sýdıa jumyldyrylǵanyn aıtty. Olar otbasyn saqtap qalýǵa jáne olardyń quqyqtyq problemalaryn sheshýge barlyq jaǵdaı jasap otyr.

«Biz bul máseleni taıaý aıdyń ishinde Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııamen qaraımyz. Kámelettik jasqa tolmaǵandar isi jónindegi sot bazasyn otbasylyq sotqa transformatsııalaý nusqasy qarastyrylady», – dedi Joǵarǵy sot tóraǵasy.