Qazaqstanda BUU bitimgershilik sımpozımýy ótedi

Aǵymdaǵy jyldyń mamyr aıynda elimizde Birikken ulttar uıymynyń bitimgershilik sımpozımýy ótedi dep josparlanyp otyr. Bul jóninde Ortalyq kommýnıkatsııalyq qyzmetinde ótken brıfıng barysynda QR Qorǵanys mınıstriniń orynbasary Talǵat Muhtarov málimdedi.

«Biz ótken jyly 340 birlikten astam áskerı tehnıka quraldaryn satyp aldyq. Qazaqstan áskerı tehnıkanyń basym bóligin óziniń strategııalyq seriktesi — Reseı Federatsııasynan satyp alady. Sonymen qatar, bizde áskerı tehnıkanyń belgili bir túrleri shyǵarylatyn qorǵanys-ónerkásiptik keshen bar. Negizgi qarýly tehnıkany kórshi elden satyp alǵanymyzben, kúrdeli jóndeý jumystaryn Qazaqstanda júrgizemiz», — dedi vıtse-mınıstr.

Talǵat Muhtarov aǵymdaǵy jyly qarýly kúshter salasynda ótetin aýqymdy sharalarǵa toqtalyp ótti.

«Biz jyl saıyn «Aıbyn» áskerı-patrıottyq jastar jıynyn ótkizemiz. Sonymen qatar, osy jyly ótetin mańyzdy sharanyń biri retinde mamyr aıynda Qazaqstanda BUU bitimgershilik sımpozımýyn atar edim. Elimizde alǵash ret BUU deńgeıinde mundaı shara josparlanyp otyr. Sharaǵa qorǵanys mınıstrleri, BUU basshylary shaqyrylady jáne shara taqyryby jańa tehnologııalar men olardy bitimgershilik maqsatynda paıdalanýǵa qatysty bolmaq», — degen ol qazir atalǵan sharaǵa qyzý daıyndyq júrip jatqanyn aıtty.

Vıtse-mınıstr áskerdegi quqyq buzýshylyq ótken jyly 9 protsentke tómendegenin aıtty. Buǵan profılaktıkalyq jáne tárbıelik jumystar men kadrlardy qyzmetke qabyldaý barysynda júrgizilgen tıisti túsindirý jumystary yqpal etip otyr.

Esterińizge sala keteıik, buǵan deıin vıtse-mınıstr 40 myńnan astam áskerı qyzmetshi turǵyn úı tólemimen qamtylǵany jaıly aıtqan bolatyn.