Qazaqstan qajylary ornalasqan qonaqúılerge tekseris júrgizildi (FOTO)
Qazaqstan qajylyq mıssııa ujymy ekinshi jumys kúnin qonaqúılerge tekseris júrgizýden bastady. Mıssııa tóraǵasy bastaǵan jumys toby eń aldymen "Iassaýı" jáne "Atlas týrızm" kompanııalary alyp kelgen qajylardyń jaǵdaıyn bildi.
Bul rette kompanııalarǵa qoıylǵan basty talap - paryzyn óteýge kelgenderge qolaıly jaǵdaı jasaý, sapaly qyzmet kórsetý. Osylaısha Qazaqstan qajylyq mıssııasynyń jumys toby baǵdarlama boıynsha kórsetilgen qyzmet túrlerin baqylaýǵa aldy. Qajylyq mıssııasy qoıǵan talaptyń taǵy biri - qajylarymyz toqtaǵan qonaqúılerde eldigimizdi bildiretin nyshandardyń ıaǵnı, rámizderdiń bolýy.
Sondaı-aq qajylarǵa baǵyt-baǵdar berýshi anyqtamalyqtardyń bar-joǵy da esepke alyndy. Oǵan qosa fırma usynǵan baǵdarlama, namaz kestesi, tamaqtanatyn ýaqyttardyń kórsetilýi, ashana máziri, aptalyq baǵdarlama túzilýi, taǵam sapasy men olar ornalasqan bólmelerdiń baǵaǵa saı bolýy da nazardan tys qalmady.
Aıta keterligi, mıssııa ujymy qonaqúılerdegi qajylardyń jaǵdaıy men gıgıenalyq zattarmen qamtylý barysyn da nazarǵa aldy.
Odan bólek ár fırmada dárigerdiń bolýy men sapaly qyzmet kórsetetin gıdtiń (jolserik) sany da mańyzdy ekeni aıtyldy. Iaǵnı, gıd mamandarynyń dinı biliminiń mıssııa kórsetken talaptarǵa saı bolýy baqylaýda bolady, dedi mıssııanyń jumys toby.
Qasıetti mekenge kelýshilerge beriletin zattar ıakı qolsómke, ýaǵyz kitapshalary, kıimniń birkelkiligi jáne QMDB bekitken ýaǵyzshylardyń jumysy da jiti tekserilmek. Tekseris júrgize kele mıssııanyń jumys toby ár kompanııanyń servıstik qyzmetin baqylap, 2020 jyly beriletin kvota sany da sapaǵa baılanysty bolatynyn jetkizdi. Bul aldymen fırmalardyń qajylar aldyndaǵy jaýapkershiligin arttyra túspek.
Tekseris barysynda arnaıy qurylǵan jumys toby qajylardyń densaýlyǵy únemi baqylaýǵa alynýyn qatań tapsyrdy. Mundaı tekserý jumystary ózge de kompanııalarda jalǵasyn tabady.
