Qazaqstan Prezıdenti «Nur Astana» meshitine bardy (FOTO)

Memleket basshysy Oraza aıt merekesinde «Nur Astana» meshiti men «Astana» medrese kolledjine bardy.

Qasym-Jomart Toqaev oqý ornynyń jumysymen tanysyp, oqý úderisi men materıaldyq-tehnıkalyq bazasynyń joǵary deńgeıde ekenin aıtty.

Stýdenttermen áńgimelesý barysynda Qazaqstan Prezıdenti oqý jáne jatyn oryndarynyń jaǵdaıyn surady. Qasym-Jomart Toqaev mundaı oqý ornynda oqıtyn shákirtter yntaly ári tárbıeli bolýy kerektigin atap ótti.

«Sizderdi qasıetti Oraza aıt merekesimen quttyqtaımyn. Aspanymyz ashyq, jaqsylyqtar mol bolsyn, baq-bereke tileımin. Kelesi Ramazan aıyna basymyz aman, baýyrymyz bútin, halqymyzdyń tórt qubylasy túgel jetýge násip etsin. Duǵa-tilekterińiz qabyl bolsyn!» – dep tiledi Memleket basshysy.

Sońynda Qazaqstan Prezıdenti elimizdiń ıgiligi úshin duǵa jasady.