QMDB qajylyqpen aınalysýǵa úmitker týrıstik fırmalarǵa konkýrs jarııalaıdy
Qazaqstan musylmandary dinı basqarmasynyń jumys delegatsııasy aǵymdaǵy jyly qajylyq maýsymynyń uıymdastyrý jáne úılestirý jumystary boıynsha Saýd Arabııa Koroldigi Qajylyq jáne ýmra mınıstrligi basshylarymen ekijaqty kezdesýler ótkizip, 2020 jyly Qazaqstan Respýblıkasy úshin 3 000 qajyǵa kvota aldy.
Qazaqstan musylmandary dinı basqarmasy fırmalar arasynda adal básekelestikke qol jetkizý jáne jerlesterimizdiń qaýipsizdigin jan-jaqty qamtamasyz etý maqsatynda 2020 jyly qajylyqpen aınalysýǵa úmitker týrıstik fırmalar arasynda KONKÝRS jarııalaıdy.
Tómendegi TALAPTARǴA sáıkes fırmalar basymdylyqqa ıe bolyp tabylady:
- Halyqaralyq talaptarǵa sáıkes IATA (International Air Transport Association) sertıfıkatynyń bolýy;
- Dinı týrızmdi uıymdastyrýda tájirıbesiniń bolýyn aıǵaqtaıtyn qujattardyń bolýy;
- Týroperatorlyq qyzymetti júzege asyrýǵa berilgen memlekettik lıtsenzııasynyń bolýy;
- Salyq komıtetinde tirkelgeni týraly kýáliginiń bolýy jáne salyqtary tólengenin aıǵaqtaıtyn qujattardyń bolýy;
- QR aýmaǵynda halyqqa sapaly qyzmet kórsete alatyn keńsesiniń bolýy (keńseniń meken-jaı anyqtamalyǵy, keńse nemese ǵımaratty jalǵa alǵan kelisim-sharty, áleýmettik jelidegi paraqshalary men resmı saıty jaıly aqparat).
Atalǵan qujattar 2020 jyldyń 1 aqpanynan bastap hajj@muftyat.kz poshtasy arqyly 2020 jyldyń 15 aqpanyna deıin qabyldanady.
Kórsetilgen merzim aralyǵynda qujattaryn tapsyrmaǵan týrıstik fırmalardyń usynystary qaralmaıdy.
