QAZAQ QOǴAMYNDAǴY TARIHTA ESIMI QALǴAN ANALAR KELBETI DÁRIPTELDI (FOTO)

QMDB Astana qalasy ókildigi «Áıel-qyzdar» sektorynyń uıymdastyrýymen «Áziret Sultan» meshitinde «Qazaq qoǵamyndaǵy tarıhta esimi qalǵan analarymyzdyń kelbeti» taqyrybynda shara bolyp ótti.

Sharaǵa QMDB Din men dástúr bóliminiń meńgerýshisi Nurbek Áýeshanuly, Astana qalasynyń jáne «Áziret Sultan» meshitiniń bas ımamy Erbolat Júsipov, Nur-Múbarak ýnıversıtetiniń professory, PHD doktory, ıslamtanýshy Shamshat Adılbaeva, qoǵam qaıratkeri Orazkúl Asanǵazyqyzy, Nur-Múbarak ýnıversıtetiniń doktoranty Aıgerim Tıýrehanqyzy, QMDB «Áıel-qyzdar» sektorynyń jetekshisi Nurǵalıeva Dınara Qutqojaqyzy, «Áziret Sultan» meshitiniń ustazy, «Ájeler mektebi» klýbynyń jetekshisi Kúlsara Beket jáne meshit qyz-kelinshekteri men aq jaýlyqty analar qaýymy qatysty.

Shara barysynda ult tarıhynda orny bólek analar beınesi, qazaq áıeliniń kórkem obrazy aıqyndalyp, búgingi kúngi áıelder qaýymyna úlgi alar tustary sóz etildi. Jáne sharıǵat pen dástúrdi biriktire otyryp, áıel jamaǵatyna úgit-nasıhattar jasaldy. Ádep, tárbıe, tektilik, parasattylyq, úlkenge qurmet, syılastyq sekildi asyl qasıetter jıynnyń ózegine aınaldy. Keshke qatysqan áıelder qaýymy mol rýhanı azyq alyp qaıtty.

Sýretter tolyǵyraq «FOTOGALEREIa» aıdarynda