Qazaq kúresinen ótetin V Respýblıkalyq týrnırden túsken qarajat qaıyrymdylyqqa jumsalady

Qazaqstan musylmandary dinı basqarmasynyń uıymdastyrýymen qazaq kúresinen jylda ótetin dástúrli doda bıyl Astana qalasynyń 20 jyldyǵyna sáıkes kelip otyr. Ulttyq qundylyǵymyzdy dáripteıtin osynaý sharaǵa barsha ulttyq sport janashyrlary men sportsúıer qaýymdy qazan aıynyń 28-de «Dáýlet» sport keshenine shaqyramyz. Bastalar ýaqyty saǵat 11:00.

Sharshy kilem ústinde Aıbek Nuǵymarov, Muhıt Tursynov, Elaman Erǵalıev, Rýslan Abdýrazaq bastaǵan Azııa chempıony, «Qazaq barysynyń» júldegerleri men aımaq jeńimpazdary kúsh synasady.

Elimizdiń 19 óńirinen keletin 42 balýandy qoldaýǵa qazaqtan shyqqan tuńǵysh Olımpıada chempıony, sport sheberi Jaqsylyq Úshkempirov, qazaq kúresinen Álem jáne Azııa chempıony, «Qazaq barysynyń» úsh dúrkin jeńimpazy Beıbit Ystybaev jáne aıtysker aqyn Amanjol Áltaev, ánshi Qaırat Nurtas, Dosymjan Tańatarov, Qýandyq Raqym keledi.

Balýandardyń sheberligin tamashalaý úshin bıletterdi topticket.kz saıtynan ala alasyzdar. Sondaı-aq, Kerýen, Kerýen sıtı oıyn-saýyq ortalyǵynyń, Jastar saraıy men Kongress-Holl kassalarynan satyp alýǵa bolady.  

Bıletten túsken qarajat muqtaj jandarǵa kómek kórsetý, naýqas balalardy emdetý úshin qaıyrymdylyq maqsatta jumsalady.