«QAZAQ DALASYNDAǴY ÁIEL MÁRTEBESI» RESPÝBLIKALYQ ÁIELDER FORÝMY ÓTTI
QMDB Áıel-qyzdar sektory Pavlodar oblystyq ókildiginiń uıymdastyrýymen «Islam jáne izgi qoǵam» jyly aıasynda «Qazaq dalasyndaǵy áıel mártebesi» taqyrybynda respýblıkalyq áıelder forýmy ótti.
Qalalyq «Dostyq úıiniń» úlken konferentsııa zalynda ótken forýmnyń basty maqsaty – qazaq dástúrimen bite qaınasqan qasıetti dinimizdi, ádet-ǵurpymyzdy dáripteý. Forým jumysyn Pavlodar oblysynyń jáne «Máshhúr Júsip» ortalyq meshitiniń bas ımamy Joldas Qospaquly ashyp, kelgen qonaqtardy quttyqtady.
Budan keıin tanymal qoǵam qaıratkeri, til janashyry Orazkúl Asanǵazyqyzy atalmysh taqyrypty keńinen tolǵasa, QMDB Áıel-qyzdar sektorynyń meńgerýshisi Dınara Nurǵalıeva «Islamdaǵy áıel kisiniń mártebesi», sektordyń Almaty qalasy boıynsha jetekshisi Gúlmıra Ilesbaıqyzy «Halyq pedagogıkasyndaǵy rýhanı tárbıe», tarıh ǵylymdarynyń doktory, professor, Máshhúr Júsip Kópeıulynyń shóberesi Laýra Qýandyqqyzy «Máshhúr Júsip Kópeıuly áıel roli» taqyryptarynda arnaıy baıandama jasady.
Forým barysynda ártúrli suraq-jaýaptar boıynsha taqyryp keńinen talqylandy. Pavlodar oblysy Din isteri basqarmasynyń «Konfessııaaralyq qatynastardy taldaý jáne damytý ortalyǵynyń» basshysy Gúlnaz Maqsutqyzy sóz sóılep, forým jumysyn qorytyndylady.
Derekkóz: mazhab.kz
Источник: Aidos
