«Qaıyrymdy shańyraq» atty otbasylyq chellendj bastaldy

«Nur Astana» meshitinde Ramazan aıynda «Qaıyrymdy shańyraq» atty otbasylyq marafony bastaldy. «Rýhanı jańǵyrý» baǵdarlamasy qolǵa alynǵaly beri qoǵamda «jetimin jylatpaǵan, jesirin qańǵyrtpaǵan» ata dástúri de jandanyp keledi. Búgingi tańda qaıyrymdylyq sharalarynyń ár alýan formatta ótip jatqany sonyń aıqyn kórinisi.

Bul marafonnyń muraty – urpaqqa úlgi kórsetip, árbir otbasyna jylýlyq pen meıirim jetkizý. Iaǵnı, qaıyrymdylyq marafony aıasynda belgili bir otbasy tolyq quramda (ata-ana bala-shaǵasymen) atsalysa otyryp, áleýmettik jaǵdaıy tómen otbasyna qol ushyn beredi. Sol arqyly óskeleń urpaqtyń kókeıine el qamyn, ult qamyn oılaıtyn patrıottyq sezimdi uıalatýmen birge muqtaj otbasylardyń qajetin óteý bolyp tabylady.

Sondaı-aq, kómek kórsetken otbasy chellendjdi kelesi otbasyna joldaıdy. Atalǵan sharaǵa qatysý sharttary tómendegideı: Otbasy músheleri tolyq qatysýy kerek Kómek azyq-túlik nemese qarjylaı kórsetiledi Kórsetiletin kómektiń kólemi eń kemi 1 aıǵa jetetindeı mólsherde bolýy kerek Kómek kórsetý barysynda meshit ókiliniń qatysýy mindetti Járdem qabyldaǵan otbasynyń sýretin olardyń kelisiminsiz jarııalaýǵa bolmaıdy Kómek kórsetken otbasy tizgindi kelesi bir tanysyna joldaýy tıis.