Qasym-Jomart Toqaev: Forým QMDB jumysyna tyń serpin beredi
Búgin Qazaqstan Respýblıkasynyń Prezıdenti Qasym-Jomart Toqaev Elordada ótip jatqan «Rýhanı qundylyqtar – qoǵam birliginiń negizi» atty III respýblıkalyq ımamdar forýmynyń qatysýshylaryna quttyqtaý hatyn joldady.
Memleket basshysynyń quttyqtaý hatyn QR Prezıdenti Ákimshiliginiń basshysy Erlan Qoshanov oqyp berdi.
«Barshańyzdy ıgi dástúrge aınalǵan Imamdar forýmynyń ashylýymen shyn júrekten quttyqtaımyn!
Parasattylyq, otansúıgishtik, adamgershilik qasıetterin halyqtyń sanasyna sińirý – saýaby mol abyroıly mıssııa.
Islam dininiń osyndaı izgi qundylyqtary elimizdegi musylmandar qaýymyn biriktirip, yntymaǵyn arttyryp otyr.
Osy oraıda, ımamdarymyz halyq arasynda rýhanı-aǵartýshylyq jumystaryn udaıy júrgizip, jas urpaqtyń boıyna ımandylyqty darytýǵa atsalysýy mańyzdy.
Bul jıyn Qazaqstan musylmandary dinı basqarmasynyń jumysyna jáne elimizdegi din ókilderiniń rýhanı bastamalaryna tyń serpin beredi dep senemin.
Forým jumysyna sáttilik tileımin!» – delingen Prezıdent quttyqtaýynda.
Aıta keteıik, forýmǵa Premer-mınıstr orynbasary Berdibek Saparbaev, Aqparat jáne qoǵamdyq damý mınıstri Dáýren Abaev, memleket jáne qoǵam qaıratkerleri, ǵalymdar, depýtattar, belgili teologtar, elimizdiń ár aımaǵynan kelgen 500 ımam qatysýda.
