Qasıetti juma «Qaıyrymdylyq jármeńkesimen» nurlana tústi (FOTO)

Elorda tórindegi respýblıkalyq «Áziret Sultan» meshitinde búgin «Qaıyrymdylyq jármeńkesi» bolyp ótti. Bas meshittiń áıel jamaǵatynan quralǵan «Inabat» qyz-kelinshekter klýbynyń uıymdastyrýymen ótken jármeńke barysynda jamaǵatqa túrli táttiler men ystyq taǵam túrleri, qoldan ázirlengen toqashtar men túrli ónimder usynyldy.

Sondaı-aq, sharıǵat talaptaryna saı tigilgen kıim-keshek túrleri men qolóner týyndylary, dinı áshekeı zattar men túrli kosmetıkalyq ónimder de jármeńke sórelerinen oryn alyp, jamaǵat úshin saýapqa toly saýda jasaýǵa jol ashty.

Budan bólek, jármeńke aıasynda dinı jáne rýhanı paıdaly kitaptar da satylyp, kelýshilerge rýhanı paıda keltirdi.

Sýretterdi «FOTOGALEREIa» aıdarynan kóre alasyzdar!