Qasıetti juma kúni qaıyrymdylyq jármeńkesi ótti (FOTO)

Búgin, qasıetti juma kúni Nur-Sultan qalasyndaǵy respýblıkalyq «Áziret Sultan» meshitinde «Meıirimdilik mekeni» atty qaıyrymdylyq jármeńkesi bolyp ótti. Bas meshittiń shákirtteri men jamaǵatynan qurylǵan «Inabat» qyz-kelinshekter klýbynyń uıytqy bolýymen turaqty túrde ótkizilip kele jatqan jármeńke saýdasy bul joly da qyz-qyz qaınap, jamaǵattyń rızashylyǵyna bólendi.

Tátti taǵamdardyń túr-túrin jaınatyp, jamaǵatty jyly shyraımen qarsy alǵan «Inabat» klýbynyń qyz-kelinshekteri saýapqa toly saýdany qyzdyra tústi. Qoldan daıyndalǵan tátti taǵamdarmen qosa, jamaǵatqa rýhanı kitaptar, dárilik maılar men qosyndylar, túrli áshekeı zattar men kıim-keshekter de usynylyp, jármeńke saýdasyn jan-jaqty júrgizildi.

Aıta keteıik, qalyptasqan dástúrge saı jármeńkesden túsken qarajat túgeldeı qaıyrymdylyq sharasyna jumsalatyn bolmaq.

Sýretterdi «FOTOGALEREIa» aıdarynan kóre alasyzdar!