Qasıetti merekede qaıyrymdylyq jármeńkesi uıymdastyryldy (FOTO)

Qasıetti Qurban aıt merekesi jyldaǵy dástúr boıynsha «Áziret Sultan» meshitinde ulttyq naqyshta árlene tústi. Meshit aýlasyna aıt meıramyna oraı arnaıy qazaq úıler tigilip, aıtshylaǵan halyqqa merekelik kóńil kúı syılady. Bir-birin baýyrǵa basyp, aıtpen quttyqtaǵan jamaǵatqa tolǵan meshit aýlasyndaǵy mereke kórigin qaıyrymdylyq jármeńkesi de qyz-qyz qaınata tústi.

«Áziret Sultan» meshitiniń áıel ustazdary men jamaǵatynyń, eriktiler tobynyń bastamasymen dástúrli túrde uıymdastyrylyp kele jatqan jármeńke sóreleri bul joly da óz kelýshilerin túrli taǵamdarymen qarsy aldy. Qoldan pisirilgen tátti ónimderdiń túr-túri, býy burqyraǵan ystyq taǵamdar, ulttyq sýsyndar men ónimder alýshylardyń alǵysyn ǵana týdyryp jatty.

Aıta keteıik, dástúrli túrde ótkizilip kele jatqan «Meıirimdilik mekeni» jobasy aıasyndaǵy qaıyrymdylyq jármeńkesinen túsken qarjy turaqty túrde naýqas sábılerdiń saýlyǵyna jumsalyp keledi.

Sýretterdi «FOTOGALEREIa» aıdarynan kóre alasyzdar!