Qarttar úıindegi qarııalarǵa tabıǵat aıasyndaǵy saıahat uıymdastyryldy (FOTO+VIDEO)

Búgin Nur-Sultan qalasyndaǵy respýblıkalyq «Áziret Sultan» meshitiniń «Inabat» qyz-kelinshekter klýbynyń uıymdastyrýymen «Qarttar men múgedekterge arnalǵan medıtsınalyq-áleýmettik mekemesindegi» qarııalarǵa arnalyp qaıyrymdylyq sharasy ótti. «Áziret Sultan» meshitiniń shákirtterinen quralǵan «Meıirim júregi» eriktiler tobynyń da atsalysýymen ótken shara aıasynda qarııalardy qala shetindegi «Qulager» demalys aımaǵyna aparyp, tabıǵat aıasyndaǵy taǵylymdy saıahat uıymdastyryldy.

Arnaıy avtobýs bólinip, «Kóktal-1» turǵyn alabyndaǵy mekeme ǵımaratynan demalys ornyna qurmetpen jetkizilgen qarııalardy «Qulager» qyzmetkerleri men meshit jastary qushaq jaıa qarsy alyp, ystyq yqylastaryna bóledi. Demalys aımaǵynda qarııalarǵa arnalyp eki márte dastarhan jaıylyp, ýaǵyz-nasıhat jumystary da júrgizildi. Tabıǵat aıasyna shyǵyp, boı jazyp sergigen qarııalardyń qýanyshyn tasyta túsken taǵy da birqatar shara ótkizildi. Atap aıtqanda, qarııalar demalys ortalyǵynda atqa minip serýendep, ýaqyttyń qalaı ótkenin de ańǵarmady. Sondaı-aq, Paıǵambarymyzdyń (s.ǵ.s.) súnneti sanalatyn sadaq atýǵa da kezek berilip, qarttarymyz ózara «mergendikterin» synap baqty.

Demalys ornyna tańerteńgisin kelgen qarııalarǵa kesh batqanǵa deıin túrli shara uıymdastyrylyp, vıktorınalyq jarystar da ótkizildi. Tabıǵat sulýlyǵyna tánti bolyp, meshit jastarynyń ystyq yqylasy men rııasyz meıirimderine bólenip qaıtqan qarttar úshin bul kúnniń esteligi uzaqqa saqtalary sózsiz.

Sýretterdi «FOTOGALEREIa» aıdarynan kóre alasyzdar!