Qarttar kúnine oraı aqsaqaldarǵa qurmet kórsetildi (FOTO)

Búgin, 1-qazan – Halyqaralyq qarttar kúnine oraı Nur-Sultan qalasyndaǵy «Tólebaı» meshitinde merekelik shara uıymdastyryldy. Ataýly kúnge oraı meshit ashanasynda aınaladaǵy 50 aqsaqalǵa arnaıy dastarhan jaıylyp, qulshylyq ordasynyń qyzmekterleri qurmet kórsetti.

Sondaı-aq, «Tólebaı» meshitiniń bas ımamy Ashat Salımovtyń uıymdastyrýymen, merekelik dastarhanǵa kele almaı qalǵan eki aqsaqaldy arnaıy zııarat etip, syılyqtar tartý etip qaıtty. Jastary toqsannan asqan qos aqsaqal sońǵy kezderi syrqattanyp, meshitke kele almaı júrgen eken. Qarııalardyń qal-jaǵdaıyn surap, azyq-túlik qoryn tabystaǵan meshit qyzmetkerleri búgingi kúndi merekege aınaldyrdy.