QARILARǴA ASTANA QALASY ÓKILDIGI ATYNAN QONAQASY BERILDI

Búgin jerebe tartý rásiminen keıin Astana qalasy ókildigi atynan XV respýblıkalyq Quran Kárimdi jatqa jáne mánerlep oqý jarysyna irikteý rásimine kelgen qarılarǵa arnaıy qonaqasy berildi. Asqa arnaıy Astana qalasynyń bas ımamy Nurbek qajy Áýeshanuly qatysyp qarılarǵa iltıpatyn jetkizdi. 

«Eń aldymen, barshańyzǵa osy ıgi sharaǵa atsalysyp, qasıetti Quranǵa degen qurmetterińizdi tanytyp kelgenderińiz úshin rızashylyǵymdy bildiremin.
Quran jarysy – jaı ǵana báseke emes. Bul – Allanyń kálámin ardaqtaǵan jandardyń basyn qosatyn rýhanı mereke. Sondyqtan búgingi jerebe tartý rásimi de erteńgi saıystyń ádil ári júıeli ótýiniń mańyzdy bir bóligi. Ardaqty Paıǵambarymyz (oǵan Allanyń salaýaty men sálemi bolsyn) «Senderdiń aralaryńda eń jaqsylaryń Quran oqyp, ári ony ózgege úıretkenderiń», - degen. Osy rette Quranǵa qyzmet etip, ony taratý jolynda júrgen ózderińizge Allanyń bereketi bolsyn. Erteńgi irikteý jarysy joǵary deńgeıde ótýine tilektespin» dedi bas ımam. 

Aıta keteıik Aqmeshit meshitinde ótken qonaqasyna jarysqa kelgen 70-ke jýyq qarı, qoldaýǵa kelgen ata-analary da keldi. Óz kezeginde jarysty uıymdastyrýshy ókildikke rızashylyǵyn bildirip, qarılarǵa jasalyp jatqan erekshe jaǵdaıdy atap ótti. Eske salaıyq beısenbi kúni elordadaǵy Áziret Sultan meshitinde tańǵy saǵat 9-00 den bastap XV respýblıkalyq Quran Kárimdi jatqa jáne mánerlep oqý jarysyna irikteý jarysy bastalady. Baıqaý keshki aqsham namazyna deıin jalǵasady.