Qarılar baıqaýynda pandemııadan kóz jumǵandarǵa arnaıy duǵa baǵyshtaldy (FOTO)

Búgin Qazaqstan musylmandary dinı basqarmasynyń 30 jyldyq mereıtoıyna oraı ótken qarılar baıqaýynda Quran Hatym oqylyp, duǵa jasaldy.

Quran Kárimdi jatqa jáne mánerlep oqýdan ótken IH respýblıkalyq baıqaýdyń marapattaý rásiminen buryn 72 qatysýshy Quran hatym oqysa, QMDB tóraǵasy, Bas múftı Naýryzbaı qajy Taǵanuly pandemııadan qaıtys bolǵan otandastarymyz ben el amandyǵy úshin arnaıy duǵa jasady.

«Ýa, Jaratýshy Jabbar ıemiz! Osy oqylǵan Quran hatymnyń saýabyn «lá ıláhá ıllallah mýhammaddýr rasýlallah» dep ótken barsha musylmannyń rýhyna jáne bıyl indetten qaıtys bolǵan jerlesterimizdiń rýhyna baǵyshtaımyz. Alla Taǵalam, marqumdardyń rýhyn shat, jatqan jerin jánnat ete gór! Artynda qalǵan jaqyndaryna kórkem sabyr, ómirlerine bereke bergeısiń! Elimizge, jerimizge qut-bereke, yrys-nesibeni bir óziń násip ete gór! Jaratqan Alla! Elimizdi aman et, jerimizdi qaýip-qaterden, tabıǵı apattardan saqta! Basymyzǵa amandyq, denimizge saýlyq ber, ámın!» - dep duǵa tiledi Bas múftı.