Qaraǵandy: «Ánet baba» meshitinde Quran jarysy ótti

QMDB Tóraǵasy, Bas múftı Naýryzbaı qajy Taǵanulynyń bastamasymen Qaraǵandy oblysynyń bas ımamy Estaı Aıtýǵanulynyń uıymdastyrýymen qasıetti Ramazan aıynyń qurmetine oraı Quran Kárimniń 30-parasyn jatqa oqýdan saıys ótti.

Saıystyń ashylý shymyldyǵynda Qaraǵandy oblysynyń bas ımamy Estaı Aıtýǵanuly arnaıy sóz alyp, qatysýshylardy ramazan aıymen quttyqtap, Óziniń ystyq lebizin bildire kele, sáttilik tiledi.  

Saıysqa «Qamze ata» meshitiniń ımamy Baýyrjan Meıimbekuly, «Ál-Azhar» ýnıversıtetiniń túlegi Ábdilmálik Murtuly, «Hýsamaddın As Syǵanaqı» ınstıtýtynyń túlegi, «Úshtóbe oqý aǵartý ortalyǵynyń» ustazy Dáýlet Izetbekuly tórelik etip,saıysqa qatysýshy shákirtterge Quran Kárimdi óz erejesine saı tájýıdpen oqýǵa qatysty  jarys erejelerimen tanystyryp ótti.

Baǵalaý barysynda úmitkerdiń barlyq qyryna: oqý mánerinen bastap, dybystardy shyǵarýy men tájýıd erejelerin saqtaýyna asa mán berildi. 

Joǵary deńgeıde ótken saıys nátıjesi:

I oryn Mýllaev Saıdmahmýd (300 000 teńge);

II oryn Ábdirazaq Qasym Janarbekuly (200 000 teńge);

III oryn Tileýqul Janádil (100 000 teńge).

Sonymen qatar, saıysta jeńimpazdardan bólek  joǵary nátıje kórsetken Turdymahammed Mýhammad, Ábdirazaq Ibragım jáne Bekbolat Janarbekulyna qarjylaı 50 000 teńgeden ár qaısysyna  yntalandyrý sertıfıkattary tabystaldy.

​