QALA BAS IMAMY ASTANALYQ QAJYLARDY ShYǴARYP SALDY (FOTO)

Búgin Astanadaǵy halyqaralyq áýejaıdan elordalyq qajylar qasıetti saparǵa attandy.

Astana qalasynyń ókili, «Áziret Sultan» meshitiniń bas ımamy Erbolat Júsipov qajylardy shyǵaryp sala otyryp, paryzdaryn aman-saý ótep qaıtýlaryn tiledi.  

Aıta keteıik, bıyl konkýrstyq negizde 16 týroperatorǵa jalpy sany 5081 qajylyq orny bólindi. Tasymaldaý jumystary bıyl Astana, Almaty, Shymkent, Túrkistan jáne Aqtaý qalalarynan júzege asady. Qazaqstandyq qajylarǵa otandyq «Air Astana» men «SCAT», sondaı-aq «Flynas» (Saýd Arabııa Koroldigi), «Air Arabia» (BAÁ), «Jazeera» (Kýveıt) men «Turkish Airlines» (Túrkııa) syndy halyqaralyq áýe kompanııalary qyzmet kórsetedi.