Qala bas ımamy 25 otbasyǵa qarjylaı kómek tabystady

Qasıetti Arapa kúni qarsańynda «Áziret Sultan» meshitinde qaıyrymdylyq sharasy uıymdastyrylyp, 25 otbasyǵa qarjylaı kómek berildi.

Astana qalasynyń bas ımamy Nurbek Áýeshanuly «TOO Tamasha Ogneýpor» kásipornynyń demeýshiligin tilge tıek ete otyryp, tıisti kómekti tabystady. Is-sharanyń júzege asýyna tikeleı jaýapty bolǵan «Zeket jáne qaıyrymdylyq» qorynyń Astana qalasy boıynsha jaýapty mamany Nurbol Orazhan qaıyrymdylyq sharasynyń joǵary deńgeıde uıymdastyrylýyna atsalysty.

Is-shara barysynda Arapa kúniniń qadir-qasıeti, bul kúnderi jasalatyn izgi amaldardyń saýaby men qoǵamdaǵy janashyrlyqtyń mańyzy jaıynda nasıhat aıtyldy. Bas ımam óz sózinde musylman úshin qaıyrymdylyqtyń tek materıaldyq kómek qana emes, júrektegi meıirim men baýyrmaldyqtyń kórinisi ekenin atap ótti.