Qala ákimi Bas meshittegi senbilikke qatysty (FOTO)

«Birge Jasyl Qazaqstan» sharasynyń aıasynda ótip jatqan jalpyqalalyq senbilik Elordamyzdyń kórki bolyp sanalatyn Respýblıkalyq «Áziret Sultan» meshitiniń aýlasynda jalǵasty. Oǵan Nur-Sultan qalasynyń ákimi Altaı Seıdiruly Kólginov jáne QMDB tóraǵasynyń birinshi orynbasary, Nur-Sultan qalasynyń bas ımamy Naýryzbaı qajy Taǵanuly, túrli óner juldyzdary jáne meshit ujymy men jamaǵaty qatysty. 

Jalpy búgin Elorda kósheleri men saıabaqtarynda 5 myń aǵash egilip, qala ajaryn arttyra túspek. Sonymen qatar bıyl kúzde «Ekologııalyq saǵat» sharasynyń sheńberinde elimiz boıynsha qosymsha 1 mıllıonǵa jýyq kóshet egiledi. Bul týraly Nur-Sultan qalasy ákimdiginiń resmı saıty málimdedi.

Sýretterdi «FOTOGALEREIa» aıdarynan kóre alasyzdar!