«Qaǵanat» ashanalar jelisi sertıfıkatyn jańartty (FOTO)

«Qaǵanat» ashanalar jelisi sertıfıkat merziminiń aıaqtalýyna baılanysty sertıfıkatyn qaıta jańartty.

QMDB Halal ónimderin standarttaý bóliminiń meńgerýshisi Smaıyl Seıtbekov «Qaǵanat» ashanasy basshylyǵyna «QMDB halal» sertıfıkatyn arnaıy tabystady.

S.Seıtbekov kúlli musylman qaýymy úshin adal as usyný men daıyndaýdyń jaýapkershilgi mol ekendigin aıta kete, «Halal Damý» mekemesiniń óńirlerdegi jaýapty ókilderi aı saıyn turaqty tekseris jumysyn júrgizetinin eskertti.

«Kompanııa Qaǵanat servıs» JShS-niń Almatydaǵy 20 jelisi, Nur-Sultandaǵy 3 jelisi, Qaraǵandydaǵy bir ashanasy, jalpy sany 24 jelisi 2:2016 «Tamaqtandyrý qyzmetteri» jáne 3:2016 «Halal ónimderin óndirý, óńdeý, saqtaý, tasymaldaý jáne satýǵa qoıylatyn jalpy talaptar» standarttaryna sáıkes sertıfıkattaldy.

Óńirlik baqylaýshy-ınspektorlardyń qadaǵalaýy men tehnologtardyń baqylaýyndaǵy «Qaǵanat» ashanalar jelisiniń ónimderi tolyqtaı «QMDB halal» standarty talaptaryna saı.