Qadir túni qarsańynda 100 otbasyǵa qaıyrymdylyq jasaldy (FOTO+VIDEO)

Búgin respýblıkalyq «Áziret Sultan» meshitinde Elordamyzdaǵy 100 muqtaj otbasyǵa qýanysh syılaǵan qaıyrymdylyq sharasy ótti. «Jaqsylyqta jarysaıyq» dástúrli aktsııa aıasynda ótkizilgen shara barysynda Nur-Sultan qalasyndaǵy turmysy tómen otbasylarǵa, kóp balaly analarǵa, asyraýshysynan aıyrylǵan muqtaj jandarǵa bir aılyq azyq-túlik qory taratyldy.

Ramazan aıynyń meıirimin sezindirip, demeýshi azamattar men muqtaj jandardyń arasyna altyn kópir ornatqan «Jaqsylyqta jarysaıyq» dástúrli aktsııasy buǵan deıin Elordamyzdaǵy basqa da qulshylyq ordalarynda da ótkizilgen bolatyn. Qadir túni qarsańynda respýblıkalyq Bas meshitte uıymdastyrylyp otyrǵan dástúrli aktsııa Nur-Sultan qalasy boıynsha áli de jalǵasa túsetin bolmaq. Jamaǵatpen arnaıy júzdesip, «Ramazan syılyǵyn» tabystaýǵa kelgen QMDB tóraǵasynyń birinshi orynbasary, naıb múftı Naýryzbaı qajy Taǵanuly osyndaı saýapty josparlarymen bólisip, búgingi sharanyń mán-mańyzyn jetkizdi.

Sýretterdi «FOTOGALEREIa» aıdarynan kóre alasyzdar!