Qadir túni qarılarǵa qurmet kórsetildi (FOTO)

Qasıetti Qadir túni respýblıkalyq «Áziret Sultan» meshitinde Quran hatym aıaqtalyp, Bas múftı Serikbaı qajy Oraz hazirettiń qatysýmen duǵasy jasaldy. Myńdaǵan jamaǵat qol jaıyp, Jaratqanǵa jalbarynǵan saýapty sátten soń qasıetti Ramazan aıy boıy respýblıkalyq «Áziret Sultan» meshitinde taraýıh namazdaryn ótkizip, Quran kárimdi hatym etken qarılarymyzǵa qurmet kórsetildi.

Aıta keteıik, bıylǵy jyly Bas meshittegi taraýıh namazdaryn ótkizýge elimizge belgili, ataqty qarılar Ersin Ámire, Jumanazar Óserhanuly, Murtaza Ertaıuldary shaqyrylǵan bolatyn. Ulyq aı boıy Bas meshit jamaǵatyn áýezdi maqamymen uıytyp, júrekterge Quran únin jetkizgen qarılarǵa Bas múftı Serikbaı qajy oraz jamaǵat atynan alǵys bildirip, qazaqy dástúrimizge ıyqtaryna shapan japty.