Qabylbek Álipbaıuly «Áziret Sultan» meshitiniń jamaǵatymen júzdesti (FOTO+VIDEO)

Elordamyzǵa RANT (Respýblıkalyq aqparattyq nasıhat toby) issapary aıasynda at basyn tiregen belgili ýaǵyzshy Qabylbek Álipbaıuly keshe respýblıkalyq «Áziret Sultan» meshitiniń jamaǵatymen kezdesý ótkizdi. Ekinti namazyn Bas meshit jamaǵatymen birge ótegen Qabylbek ustaz jınalǵandardy jaqsylyqqa shaqyryp, izgilikke úndeı tústi.

«Islamdaǵy baýyrmashyldyq» taqyrybynda aıtylǵan sóz qozǵaǵan ǵalym asyl dinimizde qaıyrymdylyq pen janashyrlyqtyń, jaqsylyqqa jasaý men járdemdesýdiń qanshalyqty mańyzdy ekenin jetkizip, meıirimdi bolýǵa úndedi. Barsha musylman bir dene sekildi ekenin, aǵzanyń bir jeri aýyrsa, basqa jeri túgel syzdaýǵa tıisti ekenin tilge tıek etken Qabylbek Álipbaıulynyń ýaǵyzy jamaǵattyń júrekterin meıirge, kóńilderin oıǵa toltyra tústi.

Kezdesý sońynda jamaǵat suraqtaryna kezek berilip, bilikti ustaz tushymdy jaýaptarymen jalǵasty.

Sýretterdi «FOTOGALEREIa» aıdarynan kóre alasyzdar!