PAIǴAMBARYMYZDYŃ (ﷺ) DÚNIEGE KELÝINE ORAI MÁÝLIT OQYLDY
Astana qalasyndaǵy «Áziret Sultan» meshitinde Paıǵambarymyz Muhammedtiń (oǵan Allanyń salaýaty men sálemi bolsyn) dúnıege kelýine oraı máýlit jyry oqyldy.
Máýlit barysynda Serik qarı Ahmet, Jumanazar qarı Sadyrhanov, Paıǵambarymyzǵa salaýattar aıtylyp, Quran aıattary oqydy. Máýlit duǵasyn Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly jasady.
«Ýa, Jaratýshymyz Alla Taǵala! Ózińniń eń súıikti qulyń, paıǵambarlardyń myrzasy ári sońǵy móri, adamzattyń ardaqty tutar ustazy, jer betine raqym etip jiberilgen Paıǵambarymyz Muhammed mustafanyń qurmetine oqyǵan máýlitimizdi qabyl et!
Bizderdi Paıǵambardy shynaıy jaqsy kórgen, onyń súnnetine ergen, kórkem minezin úlgi tutqan, nasıhattaryn oryndaıtyn, tulǵasyn shynaıy qurmetteı biletin, oǵan jıi salaýat aıtatyn, qııamette shapaǵatyna ıe bolatyn úmbetinen bolýdy násip etkeısiń!
Ýa, Allam! Ibrahım paıǵambar men onyń otbasyna raqym etkenińdeı, Muhammed paıǵambar men onyń otbasyna raqym ete gór! Sen asa maqtaýly, asa dańqtysyń!
Ýa, Allam! Ibrahım paıǵambar men onyń otbasyna bereke bergenińdeı, Muhammed paıǵambar men onyń otbasyna da bereke bere gór! Sen asa maqtaýly, asa dańqtysyń!
Osy máýlitti oqyǵan, qatysqan jandardyń árqaısysyna, otbasy, oshaq qastaryna amandyq ber! Elimzge, jerimizge, táýelsiz memleketimizdi meken etken árbir shańyraqqa baqyt-berekeńdi násip et!
Ýa, Alla Taǵala! Óziń keshirimińe bóleıtin jandardyń qatarynda bizderge de keshirimińdi násip et! Óziń meıirimińe bóleıtin jandardyń qatarynda bizderge de meıirimińdi tók. Óziń jánnatı etetin jandardyń qatarynda bizdiń de jánnatı bolýymyzdy násip et!
Ýa, Rabbymyz Alla Taǵala! Ámın degen barshamyzdyń duǵa-tilegimizdi qabyl et! Eki dúnıede júzimizdi jaryq et! Bilip te bilmeı istegen katelik-kúnálarymyzdy jarylqaı gór!
Elimizge, jerimizge tynyshtyq, árdaıym beıbitshilik ber! Memleketimizdiń basshysy qadirli Qasym-Jomart Kemelulyna óziń jar bolyp, izgi qoǵam, ádiletti Qazaqstan qurýymyzdy jazyp, kók týymyzdy árkez beıbit kók aspanymyzda jelbiretip, memleketimizdi álemniń aldyńǵy qatarly elderi qatarynan bolýyn jaz!
Bul máýlit aıynan, kelesi máýlit aılaryna barshamyzdy saý-salamatta, amandyq-esendikte jetkizge gór! », – dep duǵa jasady Bas múftı Naýryzbaı qajy Taǵanuly.
Источник: Aisha
