Pavlodarda «Ábdýrahman» qaıyrymdylyq úıi ashyldy (FOTO)

Aqsý qalalyq meshiti aýlasynda "Ábdýrahman" qaıyrymdylyq mekemesi óz qyzmetin bastap, qala halqyna esigin aıqara ashty. Caltanatty sharaǵa, QMDB-nyń qaıyrymdylyq jáne ýaqyp isteri bóliminiń meńgerýshisi Kámaljan Turdybaev Nur-Sultan qalasynan arnaıy kelip sóz sóıledi. Jınalǵan kópshilikke bul qaıyrymdylyq mekemesiniń basty maqsaty ata-anasynan alysta júrgen stýdentterge, jáne jergilikti jerdegi áleýmettik az qamtylǵan otbasylardyń kolledjde oqıtyn stýdent balalaryna kómek qolyn sozyp, olardyń jatar orny men úsh mezgil tamaǵyn ótep berýge, sabaqtan tys ýaqytta rýhanı ilimmen sýsyndatyp jat aǵymdardyń jeteginde ketpeı durys pen burysty aıyra alatyn azamat bolyp qalyptasýyna qamqorlyq qylý ekenin baıandady.

Sondaı-aq osy iske uıytqy bolǵan "Máshhúr Júsip" meshitiniń bas ımamy Joldas Qospaqulyna, Aqsý qalalyq meshitiniń bas ımamy Ábdimútálip Omarovqa jáne osy ǵımaratty tolyqtaı óz qarjysyna salyp bergen kásipker Nurlan Eltaıulyna bas múftı Serikbaı qajy Oraz hazirettiń ystyq sálemi men aıryqsha alǵysyn jetkizdi.

Sharany Pavlodarlyq aqyn Qýanyshbek Sharmanov júrgizip, arnaý aıtty. Aqsý qalalyq maslıhat hatshysy Mádenıet Qabyldauly men Kámaljan Turdybaev ashylý lentasyn qıyp, ájelerimiz shashý shashty. Shara sońynda  jınalǵan barsha jamaǵatqa dastarhan jaıylyp, as berildi.