Pavlodar oblysynyń ákimi QMDB jumysymen tanysty (FOTO)

Pavlodar oblysynyń ákimi Bolat Baqaýov múftııattyń Astanadaǵy jańadan salynǵan bas keńsesin aralady. Qazaqstan musylmandary dinı basqarmasynyń tóraǵasy Serikbaı qajy Oraz ákimge dinı salada atqarylyp jatqan jumystar jaıly áńgimelep berdi.

Kezdesýde Bolat Jumabekuly men Serikbaı qajy Satybaldyuly Pavlodar oblysyndaǵy dinı ahýal týraly áńgimelesti. Sonymen qatar, din qyzmetkerleriniń bilimi men tájirıbesin arttyrý jaıy sóz boldy. Bas múftı ákimge meshitterde júzege asyp jatqan ıgi is-sharalar jaıly baıandady.

Bolat Baqaýov qoǵamdyq kelisim men turaqtylyqty nyǵaıtý jumystaryna ımam-moldalardyń qosar úlesi mol ekenin atap ótti. Sonymen qatar, Pavlodar oblysyna qarasty meshitter men medreselerdiń qyzmeti jaıly oń pikirin bildirdi.

Jańa ǵımaratqa qutty bolsyn aıtqan B.Jumabekuly múftııat jumysyna sáttilik tiledi.