Palestına mınıstri «Áziret Sultan» meshitin zııarat etti (FOTO)

Búgin Astana qalasyndaǵy respýblıkalyq «Áziret Sultan» meshitine Palestına memleketiniń Syrtqy ister mınıstri Rııad ál-Málıkı bas suǵyp, qulshylyq ordasymen tanysyp qaıtty. qazaqstan jerine resmı issaparmen at basyn tiregen palestınalyq qonaqtar elimizdiń Bas meshitin kórip qaıtýdy arnaıy nıet etken kórinedi.

Laýazymdy qonaqty meshit ustazy Maqsatbek Qaıyrǵalıev qarsy alyp, qulshylyq ordasynyń tynys-tirshiligimen tanystyrdy. Atap aıtqanda, Rııad ál-Málıkı myrza «Áziret Sultan» meshitiniń resmı portaly Muslim.kz saıtynyń redaktsııasy men «Hıkmet» teleradıostýdııasyna bas suǵyp, jumys barysymen tanysty.