Pákistan kelgen áskerı delegatsııa «Áziret Sultan» meshitin zııarat etti (FOTO)

Búgin, qasıetti juma kúni elimizdiń maqtanyshyna aınalǵan respýblıkalyq «Áziret Sultan» meshitine Pákistannan resmı issaparmen kelgen delegatsııa at basyn tiredi. Pákistan memleketiniń kontr-admıraly Mýhammed Zýbaır Shafık jáne Qazaqstandaǵy Pákistan elshiliginiń áskerı attashesi, brıgadalyq general Iasır Navaz Djanjýa bastaǵan top «Áziret Sultan» meshitin aralap, qundy jádigerlerimen tanysty.

Mártebeli meımandardy «Áziret Sultan» meshitiniń bas ımamy Erbolat Júsipov qarsy alyp, qonaqtarǵa qurmet kórsetti. Bas meshit bedelin arttyra túsken qundy jádiger – kóne Quran men kúmisten quıylǵan Quran paraqshalaryn arnaıy tanystyryp, rekordtyq kórsetkishterge ıe bolǵan qulshylyq ordasynyń sáýlet artyqshylyqtarynan habardar etti.

Kezdesý sońynda qonaqtarǵa qazaqy dástúrimizge oraı estelik syılyqtar tartý etildi. Sondaı-aq, elimizdiń Bas meshitine arnaıylap kelgen pákistandyq delegatsııa atynan da arnaıy syılyqtar berilip, meshit tarapynan kórsetilgen syı-qurmetke rızashylyqtaryn bildirdi.

Sýretterdi «FOTOGALEREIa» aıdarynan kóre alasyzdar!