Ózbekstannyń «Milk Euro Food» kásiporny sertıfıkattaldy (FOTO)
Ózbekstandaǵy «Milka Euro Food» maı ónimderin óndirýshi kásiporyn «QMDB halal» standarty boıynsha sertıfıkattaldy.
Kásiporyn kúndelikti tutynýǵa arnalǵan sary maı, margarın, spred, qatparly qamyrǵa arnalǵan maı ónimderin óndiredi. «Milk Euro food» 15 jyl boıy Ortalyq Azııany sapaly maı ónimderimen qamtamasyz etip kele jatqan kásiporyn. 2004 jyly Shveıtsar-Ózbek birlestigi negizinde qurylǵan. Eýropalyq tehnıkalyq qurylǵylarmen jumys jasaı otyryp, halyqaralyq standart talaptaryna saı sapaly maı ónimderin daıyndaıdy.
«Milk Euro food» kásipornynyń «Domashnee zastole», «Vita milk», «Maslodel», «Tatli» saýda belgisimen shyǵarylatyn maı ónimderi «Halal ónimderdi óndirý, óńdeý, daıyndaý, saqtaý, tasymaldaý jáne satýǵa qoıyltany jalpy talaptar standarty» boıynsha sertıfıkattaldy.
Ózbekstandaǵy issapar barysynda «Halal Damý» dırektory Aıbek Asqarbekuly men Aıjan Omarova «Milk Euro food» óndiris ornynda baqylaý-qadaǵalaý sharalaryn júrgizip, kásiporyn qyzmetkerlerine oqý-semınar ótkizdi. Halal óndiris tehnologııasy, erekshelikteri men artyqshylyqtary, halal ónimderge qoıylatyn talaptar men baqylaý-qadaǵalaý sharalary, sharıǵatqa saı ruqsat etilgen, tyıym salynǵan taǵamdyq qospalarǵa keńinen toqtalyp, aqparat berildi. Aldaǵy ýaqytta mindetti aýdıt jumystary júrgizilip turatyny, tehnologtarmen tyǵyz baılanysta qyzmet atqaratyny eskertildi.
Aıbek Asqarbekuly «Milk Euro food» dırektory Alımbek Oraztaevqa halal ındýstrııasyn damytýǵa atsalysqany úshin alǵys aıtyp, «QMDB halal» sertıfıkatyn tabystady. Óz kezeginde Alımbek Oraztaev sharıǵı jáne kásibı bilim men biliktilikti ushtastyrǵan «Halal Damý» mamandary qyzmetine rızashylyq bildirdi.
