Ózbekstan sapary: Baýyrlas elderdiń baılanysy bekıdi (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly men Ózbekstan múftıi Ýsmonhon qajy Alımovtiń Samarqan qalasynda ótken ekijaqty kezdesýinde baýyrlas elderdiń baılanysyn arttyrý máselesi talqylandy.

Kezdesýde Ýsmonhon qajy Alımov: «Siz bizdiń eldegi ımam Buharı atyndaǵy Islam ınstıtýtynda bilim alyp, mol tájirıbe jınadyńyz. Biz sizben birneshe jyldan beri ortaq sharalardy birge júzege asyryp kelemiz. Sizdiń Bas múftı bolyp saılanýyńyz Ózbekstan men Qazaqstan musylmandary dinı basqarmalary arasyndaǵy baılanysty arttyra túsedi degen senimdemin», – dep atap ótti.

Óz kezeginde Naýryzbaı qajy Taǵanuly baýyrlas elderdi biriktiretin qundylyqtarǵa basa nazar aýdardy.

«Ózbekstan – Qazaqstannyń Ortalyq Azııadaǵy eń jaqyn senimdi seriktesi. Qazaq-ózbek – baǵzy zamannan baýyrlas el. Bizdi biriktiretin qundylyqtar kóp. Dinı mektebimiz ben mázhabymyz bir. Imam Matýrıdı muralary men oqýlaryna arnalǵan halyqaralyq konferentsııaǵa shaqyrtýyńyz úshin alǵys bildiremin. Biz de ózbekstandyq baýyrlarymyzdy sáýir aıynda elordamyzda ótetin halyqaralyq konferentsııamyzǵa shaqyramyz. Osynaý berik baılanystar eki eldiń din salasyndaǵy baılanysyn bekite túsedi», – dedi QMDB Tóraǵasy Naýryzbaı qajy Taǵanuly.

Kezdesýden keıin Bas múftı Ózbekstan múftıiniń ıyǵyna shapan jaýyp, qurmet kórsetti.