«Otyz kúnge – otyz ýaǵyz» onlaın jobasy júrgiziledi (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly QR Prezıdenti janyndaǵy Ortalyq kommýnıkatsııalar qyzmetiniń alańynda «Karantın jaǵdaıyndaǵy Ramazan» taqyrybynda ótken baspasóz konferentsııasynda osylaı dedi.

Baspasóz konferentsııasynda birinshi sóz alǵan Bas múftı: «QMDB-ǵa qarasty «Hıkmet TV» stýdııasy arqyly 30 kún oraza boıy bilikti ımamdarymyz ben ustazdarymyzdyń qatysýymen «Otyz kúnge – otyz ýaǵyz» atty onlaın joba dáristeri júrgiziledi. Bul joba úıden shyqpaı, mańyzdy ári ǵıbratty taqyryptar tóńireginde bilikti din qyzmetkerleri men ǵalymdardyń nasıhatyn tyńdaýǵa múmkindik jasaıdy», – dedi.

Baspasóz konferentsııasynda naıb múftı Ershat Ońǵarov QMDB Tóralqa májilisinde pitir sadaqasy mólsheri 370 teńge bolyp bekitilgenin atap ótti. Sonymen qatar, zeket pen pitir sadaqasyn onlaın rejımde berýge bolatynyn jetkizdi.

Tikeleı kórsetilim «24 Habar» telearnasynda, Ortalyq kommýnıkatsııalar qyzmetiniń YouTube, Facebook jelisindegi paraqshalarynda ótkizildi.