Ótkennen ónege: Múftııat ujymy «Altyn taq» kınodastanyn tamashalady (FOTO)

Qazaqstan musylmandary dinı basqarmasynyń tóraǵasy Serikbaı qajy Oraz bastaǵan múftııat ujymy jýyrda kórermenge jol tartqan «Altyn taq» fılmin kórip, ótkennen ónege, tarıhtan taǵylym aldy. 
Rústem Ábdirashtiń «Altyn taq» fılmi - «Qazaq handyǵy. Almas qylysh» kınodastanynyń jalǵasy.

«Altyn taq» – jas qazaq memleketiniń tus-tustan talaǵan syrtqy jaýlarmen arpalysyn baıandaıdy. Qazaq handary Kereı men Jánibek ózderine tıesili «Aq Orda» ulysy men astanasy Syǵanaqty jáne sol shahardaǵy altyn taqty qaıtaryp alady. Fılmde shıeleniske toly shytyrman oqıǵalar, jarqyn maıdan sahnalary men aýyr synaqtar, ashy jeńilis pen qýanyshty jeńis sátteri qatar kórinis tapqan.

Sonymen qatar, bul fılm qazaq halqynyń asyl din - Islamdy ustanǵanyn aıshyqtaıdy. Kınoda dinı rəsimder men joralǵylar kórinis tapqanyn aıta ketý kerek.

Múftııat ujymy tarıhı fılmdi kórýge uıytqy bolǵan QMDB tóraǵasynyń Birinshi orynbasary, respýblıkalyq «Əziret Sultan» meshitiniń jəne Nur-Sultan qalasynyń Bas ımamy Naýryzbaı qajy Taǵanulyna, QMDB Apparat basshysy Ǵylymbek Jədigerulyna alǵys aıtady.