Orazada onlaın Quran hatym oqylady

Erteń, 24-sáýirden bactap Nur-Sultan qalasy ýaqytymen ekinti namazynan 10 mınýt ótkende respýblıkalyq «Áziret Sultan» meshitinde «Ramazandaǵy Quran hatym» atty onlaın hatym oqý sharasy bastalady.

Qazaqstan musylmandary dinı basqarmasynyń tóraǵasy Naýryzbaı qajy Taǵanuly QR Prezıdenti janyndaǵy Ortalyq kommýnıkatsııalar qyzmetiniń alańynda «Karantın jaǵdaıyndaǵy Ramazan» taqyrybynda ótken baspasóz konferentsııasynda Ramazan aıynda bir saǵat arnaıy onlaın-hatym oqylatynyn habarlaǵan bolatyn.

Quran hatym oqý 24-sáýirden 19-mamyrǵa deıin jalǵasady. QMDB-ǵa qarasty «Hıkmet TV» stýdııasynan tikeleı Efırde kórýge bolady. Quran Hatym duǵasy qasıetti Qadyr túninde jasalady.