Oraza jaıly saýaldarǵa jaýap berdi (VIDEO)

Qasıetti Ramazan aıynyń bastalýyna oraı QMDB Sharıǵat jáne pátýa bólimi tikeleı Efırde kórermen suraqtaryna jaýap berdi.

«Orazadaǵy ózekti suraqtar» atty suraq-jaýap formatyndaǵy onlaın baǵdarlamaǵa QMDB Tóraǵasynyń orynbasary, naıb múftı Sansyzbaı Qurbanuly men Sharıǵat jáne pátýa bóliminiń mamandary Baýyrjan Ábdýáli men Medet Qurmashuly qatysty.

Dinı basqarmanyń MÝFTIIaT QMDB YouTube-arnasynda jáne Instagram jelisindegi @muftiyatkz paraqshasynda ótken tikeleı Efırde orazaǵa qatysty jyl saıyn qaıtalanatyn dástúrli suraqtar da, zaman aǵymyna oraı týyndaǵan saýaldar da qoıylyp, tushymdy jaýap berildi.