Onkologııa bólimindegi sábılerge syılyq jasaldy (FOTO)

El astanasy Nur-Sultan qalasyndaǵy «Yryskeldi qajy» meshitiniń «Názik» qyz-kelinshekter klýbynyń uıytqy bolýymen jóni bólek qaıyrymdylyq sharasy ótti. Meshit bas ımamy Iahııaqajy Abdollauly bastamasymen Áıel-qyzdar sektoryna qarasty «Názik» qyz-kelinshekter klýby demeýshiler kómegimen «Ana men bala» ortalyǵyndaǵy naýqas sábılerdi zııarat etip qaıtty.

Aıta keteıik, «Yryskeldi qajy» meshitiniń ustazy Zarına Júkenovanyń jetekshiligimen atalmysh ortalyqtaǵy «Onkologııa» bóliminde emdelip jatqan 143 balaǵa arnaıy syılyqtar jáne «Onkologııalyq klınıka» jansaqtaý bólimshesindegi em qabyldaýshylarǵa qajetti tazalyq jabdyqtary tartý etildi.