Ómirzaq Shókeev: Ómir tórt taǵannan turady (FOTO)

Búgin Saryaǵashta Satybaldy Ábishuly atyndaǵy Islam ortalyǵynyń ashylýyna qatysqan Túrkistan oblysynyń ákimi Ómirzaq Shókeev óńir halqyn tarıhı oqıǵamen quttyqtap, ıgi tilegin jetkizdi.

«Ǵulamalardyń aıtýynsha, ómir tórt taǵannan turady: ǵalymnyń nasıhaty, patshanyń ádildigi, baıdyń jomarttyǵy, halyqtyń duǵa-tilegi. Osy tórt taǵan  ózindik kórkem úılesimin tapqanda ǵana kez kelgen qoǵam baqytty bolady» dedi oblys ákimi Ómirzaq Shókeev.

Aıta keteıik, Satybaldy Ábishuly atyndaǵy Islam ortalyǵynda bir mezette 10 myń adam qulshylyq ete alady. Meshit ishinde medrese-kolledj shákirtterine arnalǵan 29 synyp bar. Ortalyqta 600 bala dáris tyńdaı alady. 69 jatyn oryndy qamtyǵan ortalyqta 1000 adamǵa arnalǵan ashana salynǵan.
Islam ortalyǵynyń ashylý rásimine jer-jerden 10 myńǵa jýyq adam jınaldy.