Ókildik jınalysynda Qurban aıtqa qatysty máseleler talqylandy (FOTO)

QMDB Nur-Sultan qalasy ókildigi boıynsha keshe Qurban aıt merekesine qatysty jalpy jınalys bolyp ótti. Jınalysqa qaladaǵy 12 meshittiń bas ımamdary men basty jumys baǵyttary boıynsha jaýapty qyzmetkerler qatysty.

Qala bas ımamy Erbolat Júsipov qala meshitterindegi Qurban aıt meıramyna daıyndyq jumystarymen tanysyp, birqatar tapsyrmalar júktedi. Atap aıtqanda, Qazaqstan musylmandary dinı basqarmasynyń qurban.2021.kz saıtynyń jumysyna atsalysý, qurbandyq shalynatyn oryndardy ázirleý jáne qaýpisizdik-tazalyq sharalary, qasapshylar daıarlaý jáne olarǵa túsindirme semınar uıymdastyrý, qurbandyq malynyń jaramdylyǵy men baǵasyn anyqtaý sekildi máseleler boıynsha arnaıy jumys toby qurylyp, jaýapty qyzmetkerler bekitildi.

Aıta keteıik, shilde aıynyń 20-juldyzy – qasıetti Qurban aıt merekesiniń alǵashqy kúni. Arapa – 19 shilde.